|
پښتانه دي دَ کرزي ننګه وکي!
نن اولسمشر کرزي د ناټو تر مشرۍ لاندې نړېوالو ځواکونو ته دا وَویل «چی وَه دي تاسي په ځان! چې که بيا مو په افغانستان کې د ملکي خلکو پر کورونو هوايي چپاونه وکول نو مانا يې نيواک دی. او دا نړۍ ته ډېره ښه څرګنده ده چې افغانان له نيواک سره څه ډول چلند کوي»
په هیواد کې دننه او بهر پښتانه زیاتره پر ښاغلي کرزي دا نیوکې کوي چي کمزوري ورښيي او له جؤړجاړي کار اخلي.
مګر کله چي ښاغلی کرزی پخپله یوازي پر ناټؤ او امریکایانؤ نیوکې وکوي نو بیا ترشا هیڅؤک نه وي.
نن په پکار ده چي لوېدیځ کې مېشت پښتانه دَ اوروپا او امریکې په لویؤ ښارونؤ کې پراخ لاریونونه وکوي.
پکار ده چي د لاریونونو ترڅنګ خبري ناستې، او فشار نور ټؤلې لارې چارې په کار واچوي او په دې تؤګه دَ خپل اولسمشر او او اولس نننګه وکي.
د دې ترڅنګ پښتانه پکار ده چي دَ جنرال داود او دَ تخار دَ نورو شهیدانو وژنه هم په کلکه وغندي او دا په زبات ورسوي چي پښتانه دَ هرافغان وګړي د ژوند تپوس کولای شي.
نن چي په افغانستان کښې دَ جنګ کوم اور تود دی هغه پر ځمکه پاکستان او ترهګر تالیبان او له اسمانه بیا دَ امریکې جنګي ماشین په غرغنډو ساتي.
تر دا منځ یوازي او یوازي افغانان سوزل کیږي.
په افغانستان کې چي هرڅؤک د جنګ بازار تود ساتي هغه به موږ خامخا غندو.
موږ به خامخا د خپل اولسمشر ننګه کوو.
موږ به خامخا دَ هر افغان وژنه، که دَ هیواد په شمال کې وي او که په جنوب کې، غندو.
موږ به خامخا په هیواد کې دننه او بهر جنګ غندو.
موږ به خامخا دَ جنګ ماشین بربنډوو.
دا کار لاریون غواړي.
خبري ناستې غواړي.
مرکې او جرګې غواړي.
سره راټولیږي به او خپل اواز به د جنګ پرچپه او دَ امن پرننګه اوچتوو.
|
